! HINWEIS !
Da unser Schriftführer an dieser Sitzung nicht anwesend war,
mussten wir unseren Tangabeauftragten als Stellvertretenden Schriftführer wählen. Dieser muss sich leider erst noch in seine Rolle einfinden. Wir bitten um Verständniss wenn dieses Protokoll
etwas seltsam klingen mag...
zu beginn beim franz seiner sitzung hat uns da hans erstmal wie es sich für an schiachn
vorstand hoid so kehrd ordentlich begrüßt.Leider gottes war ma ned komplett,den da Goldjunge
und da Loisl hom gfoid. Dan hods heiße diskusionen übern Loisl seine bier Probleme gem,
den mia hom festgschdoid das da Loisl in letzter zeit für an schiachn einfach zwenig
Gerstensaft drinkt. Dan noch dem mia olle scho bor hoibe drunken hom is an Bräse aufgfoin
das die Biertemparatur vorzüglich is. Anschliesend sama dan glei auf de Noagal über-
gschbrunga, Da Alois is mit 50cent beschtraft wordn und da Flore schütet bier weg weil er
gmoant hod da war a scheam drin, ma woas aber ned wia vui bier er scho wieder drunkn hod.
Da bauber hod a selbstanzeige gmacht weil er an da Ortsmeisterschaft a noagal steh loßn
hod, da franz hod sie a soiber o zoagt er was zwar nimma wan und wo,(man munkelt ja das
zua war wia wogscheidl)aber er woas das a oans steh losn hod,das wurde mit 1€ bestrafft.
Da Nagalkontroleur hod so von de Noagal nix mehr zu beanstanden doch er jammert über
an mogern Monat.Da Flore muss 42€ nochzoin weil da Xare festgschdoid hod das an flore sei
Bank bloß oa johr den mitgliedsbeitrag automatisch überweist. Da Flore hod dan gmoant aus
strafausgleich lost a sie was berigs fürs Sommerfest eifoin(d´leid son er zoit an Kasten Bier)
An franz sei Küchendisch hod sie ned lumpen loßn und hod an Verein 10cent gschbendet
De schiachn hom sie überlegt eventuel an Sommerschlußverkauf des Vansschop zu
veranstalten.Auserdem hods khoasn das da Flore und da Franz sie wegan Vanschop
zammasetzen miassn.Da Xare hod´s moi wieder mit de Buchungskosten verbockt und
Spendet anstat die üblichen 5cent de 10cent (insider vermuten ja er hod koa fünfal mer kapt).
Auserdem findet des Sommerfest am 14.August stadt.Es werden zusätzlich noch 5 Fußballer
erwartet nämlich 2 vom Sc Huglfing(Manu und Nickl) und 3 vom TSV 1860 München (Geparrt,
Gögtan,Laut).Die Ausflugsbeschprechun werd auf de nächste Sitzung verlegt.
Da Senftl hod gsogt er sorgt für lustige viedeos auf da internetseitn und da Dauber muas de
schuidl bis zum Sommerfest fertig machn.Dan hod da hans gsogt das er ned in den Reichstag
nei hod deafn weil er angeblich zu schiach war, des hod erm natürlich koanna glabt und dan
hoda a zuagem das a wos verbotenes dabeikabt hod, dan hom de schiachn rodn deafn wos
des woi gwesen sei kant,wie z.B. a flaschenöffner,Schulranzen,Bierdeckel,Trachtenmesser usw.
bis ma dan endlich draufkemma sam homma schowieder an durst griagt.
Und zu guter letzt homma dan a no de Einladung fürs schiachnfest verfasst, des aber länger dauert
hod wie erhoft.